Putin, Kennedi, Berluskoni, Klinton, Qəddafi, Kastro
Məşhur internet saytı “Daily Beast” keçmiş Amerika prezidenti Con Kennedidən tutmuş Qəddafiyə qədər bir çox dövlət başçılarının intim həyatla bağlı tövsiyyələrini yayımlayıb.
“Qrup seks adamı sakitləşdirir”
Vladimir Putin
Rusiya prezidenti Vladimir Putin qalmaqallı “Pussy Riot” pank qrupunun qadın üzvünün Moskva Dövlət Biologiya Muzeyində qrup sekslə məşğul olub, sonra videonu internetə çıxarmasına sərt reaksiya göstərmişdi. Ancaq müsahibələrinin birində heç də qrup seksə qarşı biri kimi danışmayıb: “Bəziləri qrup seksin insanın daha az yorulması baxımından daha yaxşı olduğunu deyirlər”.
“Qadınla olmasam, başım ağrıyır”
Con F. Kennedi
35-ci Amerika prezidenti Kennedi baş ağrılarını aradan qaldırmaq üçün maraqlı yollar bilirmiş. Zirvə toplantılarının birində İngiltərənin Baş naziri Harold Makmillanla söhbətindən: “Səndə necə olur bilmirəm Harold, amma mən üç gündən bir qadınla olmasam, dəhşətli baş ağrılarım olur”, - cümləsi tarixə düşüb.
“”Hə” də “yox” kimi bir şeydi”
Bil Klinton
Seçkiqabağı həyat yoldaşına dəstək çıxışları edən Bill Klinton eşq macəraları barədə suallardan fərqli yayınma metodu tapmışdı: “”Yox, münasibətim yoxdu” sözünün iki mənası var: birinci mənası – “nə indi, nə də əvvəl münasibətim olub”, digər mənası isə “hazırda münasibətim yoxdu””. Klinton həm də deyib: “Əgər mənə həmin gün “Xanım Levinski ilə münasibətiniz varmı?” sualını versəydilər, o vaxt münasibətimiz olmadığından rahatlıqla “yox” deyərdim”. Məncə yalan demiş sayılmaram”.
“Qələbəsiz seks olmaz”
Silvio Berluskoni
Keçmiş italyan baş nazir Silvio Berluskoni verdiyi ziyafətlər və eşq macəraları ilə gündəmdən düşməzdi. Bir dəfə Berluskoni “Qadınlardan “Berluskoni ilə sekslə məşğul olmaq istərdiniz?” soruşsanız, 30%-i “hə”, 70%-i “yenə?” cavabını verərlər”, - zarafatı ilə çoxsaylı şayiələrə cavab vermişdi. Ancaq pullu seks iddialarını: “Qələbəsiz sevgidən həzz ala bilmirəm”, - deyib inkar etmişdi.
“Çılpaqdırsa, olar”
Dominik Stross-Kan
Beynəlxalq Valyuta Fondunun keçmiş rəhbəri Stross-Kanın adı keçən il Nyu-Yorkdakı seks qalmaqalında hallanmışdı. Zorlama iddialarını inkar etdiyi kimi ziyafətlərdə fahişələrlə yatdığını da qəbul etməmişdi. Ancaq vəkili məhkəmədə Stross-Kanın həmin ziyafətlərdə iştirakını təsdiqləmiş və bu cür müdafiə etmişdi: “Bu cür ziyafətlərdə çılpaq bir qadının fahişə olub-olmadığını müəyyən etmək olmur”.
Kraliçam!
Şahzadə Filip
Şahzadə II Elizabet və Şahzadə Filipin evliliyi krallıq tarixinin ən uzunmüüdətli evliliklərindəndir. Ancaq Şahzadə ailə haqqında o qədər də yüksək düşüncələrə sahib deyil: “Deməzdim ki, fahişə arvadımdan daha əxlaqlıdır, amma istənilən halda ikisi də eyni şeyi edirlər”.
“Berluskoniyə “Bunga-bunganı” mən öyrətmişəm”
Müəmmər Qəddafi
Liviya diktatoru Müəmmər Qəddafi təkcə seks deyil, həm də Viaqra “xəstəsi” idi. Bir dəfə Şahzadə Endryü ilə imzalayacağı ticarət sazişindən əvvəl 4 qadınla birlikdə yatdığını deyib. Hətta Berluskonin məşhur “bunga-bunga”(güclü liderlərin eyş-işrəti) ifadəsini də ona Qəddafinin öyrətdiyi deyilir. Liviya lideri qadınlar mövzusunda az qala genekoloq səviyyəsində biliklərə sahib imiş. Elə biliklərini qadın xəstəlikləri ilə bir kitab yazaraq xalqa çatdırıbmış.
Baş nazirliyin üstünlüyü…
Edqar For
Fransanın keçmiş baş naziri Edqar For vəzifənin qadınlarla münasibətdə əsas silah olduğunu deyib: “Nazir olanda bəzi qadınlar mənlə münasibət qurmaq istəmirdi. Amma Baş nazir olandan sonra bir qadın da təklifimdən imtina etmədi”.
35 min qadınla seks
Fidel Kastro
Kuba lideri Fidel Kastro gizli, amma əfsanəvi münasibətləri varmış. Hətta bir dəfə nigahdan kənar uşaqlarının çoxluğundan “qəbilə kimi olublar” deyərək şikayət edib. Keçmiş qulluqçularından biri Kastronun 40 il ərzində gündə ən azı iki qadın olmaqla 35 min qadınla yatdığını deyib. Həmin qulluqçu Kastronun hakimiyyətdə qalmağını da seks həyatına bağlayıb: “Prezident kimi saysız-hesabsız möhtəşəm qadınlarla yatmasaydı, bu qədər uzun müddət hakimiyyətdə qala bilməzdi”.
Rəna NEVZAT
Kulis.az
